Slow Music

第20章 - 第四章:我們的第一次! (二月號主題:情人節)

是日,二月十一號星期六,Slow Music的眾人分別應付各自的學業外,還有下一個週末 ─ 二月二十五日的Live節目,幸好這次的主題是「情人節」,這麼意義重大的日子,大家才不會忘記。只是……

「係喎!Carrie,過兩日就喺情人節,有無節目?」

嘉嘉輕鬆地彈出「我們都是這樣初戀的」前段單音,有如音樂盒一樣,叮叮噹噹地跳進了Carrie的內心。

「妳咁問……妳想我點答妳呀?」

一個單身的十九歲女生,節情人沒有約也不算問題,只是不知如何回答朋友的疑問。嘉嘉也為自己的問題感到失禮,但她原意不是這個意思。

「哈哈……我只係想睇下妳同Frank發展成點唧。」

訓練室只有兩位女生,說起話來也不用太拘謹。

「無咩特別,係妳哋誤會太深!」

「係咩?」

Carrie突然理直氣壯說道:

「組樂隊就唔應該談戀愛!一唔好彩冷戰起嚟,咁對大家都有影響!」

嘉嘉聽後有點愕然。

「嘩?原來妳已經諗到咁遠?睇嚟妳真係諗過同Frank拍拖咁喎!」

Carrie聽了也反應不來,滿臉通紅,只是這句說話也露了餡嗎?

「呀……哈哈哈!咁妳嗰日點呀?妳唔似係缺男人緣架?」

「無呀……嗰日安排咗俾酒吧嘅情人節活動!又係俾人點住嚟唱,應該好忙。」

嘉嘉隨著心情變調,換來一首爵士的輕快音樂。

「咁唔係太可惜咩?」

「都唔係架,嚟酒吧嘅都有好多單身男人,三五成群出嚟搵食,而且一定有啲傻傻哋,又幾有魅力嘅男人係班餓狼入面,只係睇妳敢唔敢去夾佢出嚟……」

頓時,二人不禁偷笑起來。而另一邊的大廳,Frank、曼頭、Szeyan及阿宜,四人合力在Wii上的瑪莉奧遊戲闖關。當Frank聽到嘉嘉的琴音不斷在變,好奇問著大家。

「嘉嘉唔係練習緊廿五號個Live嘅表演咩?做咩變咗爵士樂?」

「你咪有口話人喇!你自己咪又係Mario Time!快啲跑喇!」

在遊戲中,曼頭一手執起Frank掉到前方,還撞向了阿宜,令她差點掉下抗了。

「曼頭!搞咩呀?」

「你哋咁慢架?我唔想等你哋喇!」

Szeyan站在高處,等待大家到來一同拉起終點的旗幟。突然間,滾了一滾眼睛,再對Frank說:

「Frank,你再咁吞吞,會被追趕過架……」

Frank聽著有點疑惑。

「咩呀?我哋唔係要一齊過關嘅咩?」

這時Zero開門進來。

「Zero!返嚟喇?有無雪糕食呀?」

阿宜馬上放下手制,不吃客問道。

「冬天食雪糕……會肥……」

Zero說話後將手中的牛奶雪糕交給阿宜,但剛說出來的話,已經凍結了阿宜的行動力,就算接收了,也不知道應否吃下去。

「Zero……太過份喇,你淨係買零食俾呢隻嘢?」

曼頭無奈地抱怨著。這時Zero展示出自己的電話,訊息中不乏阿宜及嘉嘉的外賣清單。嘉嘉隨即應聲跑出來,馬上草莓味的雪糕搶到手中的。

「因為Zero今天遲到要受懲罰!所以就係要買雪糕俾我哋食喇!」

「但點解係得妳同阿宜兩個?」

Szeyan有點不悅。

「呀……因為冬天吃雪糕會肥!Szeyan妳保持得太好!我諗妳應該唔想要嘅……」

「呢個唔係理由囉!」

Szeyan谷起了臉皮,有如河豚一樣,這時Zero又拿出了一杯綠茶及朱古力味的雪糕,Szeyan馬上消化了那種不悅的心情。

「Zero真體貼!將來一定係個好老公!」

Szeyan還拿了Carrie的,經過嘉嘉及Zero的中間,走到訓練室去。

「Szeyan!訓練室唔可以食雪糕架……」

Frank說過後,眼神還是留在嘉嘉與Zero的聊天情況,似乎二人十分要好。這時,Szeyan探頭出來說:

「Frank……我都講咗,你再咁慢吞吞,會落後架……」

頓時間,他一臉茫然。

「點呀……」

 

女生們吃過雪糕後,開始訓練第一首作品。三位男士則在創作區看著她們對「我們都是這樣初戀的」演繹。

阿宜敲出零碎的三角鐵聲,被嘉嘉的鍵琴和音串成一個旋律,再由Szeyan掃著一排直立式的風鈴,為阿宜的唱聲揭開序幕。

Carrie一直在嘉嘉身邊等待和唱的部份。沒有結他在身旁,或是說被Frank一直看著,卻要唱出初戀的感覺,太難為情了。在戰戰兢兢的情況下,終於完了和唱的部份。

「如何?」

嘉嘉自信地問到。

「好好!」

Frank爽快地回應。

Carrie也滿意地笑起來,接下來是男子組的「情歌」,主要是Zero的結他、Frank的木箱及雄厚聲線的曼頭。

 

「我鍾意呢個木箱!好方便……」

Carrie笑著對Frank說。

「係呀!雖然無爵士咁多變化,但細心去研究,有好多玩法!」

Frank看見Carrie似乎十分著迷,再說一句:

「妳……有興趣我下次教妳!」

Carrie有點尷尬,但還是點點頭。

「Carrie得未呀?之後『避雨』係妳彈結他架。」

曼頭吵著。原來阿宜與Szeyan也準備好,只欠Carrie一人,她連忙急急過去準備主音結他的部份。

Frank見嘉嘉一人坐在創作區,Frank便主動去找她聊著。

「呢次係妳做教學環節呀?喺教唱歌?」

「係啊……」

Frank再問:

「唱歌……好難嘅咩?」

嘉嘉瞄了Frank一眼,感覺被輕視了,她便帶笑質問Frank。

「咁睇你點定義喇?」

感覺到嘉嘉的殺氣,Frank只好解釋:

「啊!唔係唔係……只係我無仔細去諗唧。」

「……要有『運氣』囉……」

「咩話?『運氣』?講彩數架?」

嘉嘉聽後不禁失笑。

「嘩,拜託你喇!唔好講爛Gap喇,係用丹田運氣呀……」

嘉嘉笑著用動作解釋,Frank也跟著來做。笑聲傳到Carrie的耳邊,在她眼中,二人似乎十分要好。

「Carrie……開始……喇……」

曼頭一再抱怨,她才開始想起要彈出前奏。

 

「最後一首……曼頭唔唱呀?」

曼頭搖搖頭,一直享受著用電子結他來彈出「紀念日」。嘉嘉說:

「咁我哋分工,我同Szeyan第一段,第二段就Carrie同阿宜,Frank你呢?你想唱先定後?」

Szeyan微微看著眾人的微妙變化。Carrie的眼神有點不知所措,Frank猶豫不決,嘉嘉又急著想說:

「咁……情人節的紀念日,Frank當然要……」

嘉嘉本想指向Carrie,但Frank急急回應。

「就同妳哋拍擋先,我唱第一段!Zero第二段,O唔OK?」

嘉嘉有點愕然,Szeyan卻偷笑著,Carrie也勇敢起來。

「好!我就同阿宜、Zero一組!」

Zero看了阿宜一眼,默默地點頭。嘉嘉摸一摸頭,感覺有點奇怪,但Szeyan卻認為是理所當然的事,偷偷地對嘉嘉說:

「妳真係古惑……」

嘉嘉一臉無奈。

「咩呀?咩古惑呀?」

曼頭在一邊箱等得不耐煩了,一直在用電子結他在咆哮著,眾人也就位去試試看。

作為二月份的Live,以情人節為主題,雖然要大家對著鏡頭來談情說愛是有點困難,但用音樂來表達的話,當然是綽綽有餘!

完成這次表演段,接下來是三月號的主題 ─ 「動漫月」。

第一節完

留言

    未有留言

分享