龘虎門

第3789章 - 最終回 皇城決戰篇!

帶住面具自稱係古漢雲既後人古天樂,面對一把年紀仲著住古裝仲自稱「朕」既男人,係佢地既青龍同白虎位有一個著住套不知所謂既盔甲男,同埋一個將d頭髮gel到兩層樓咁高既皮褸男,四個大男人係皇城決戰! 誓要決一高下!

古天樂:「出手啦!」

朕:「我等左呢一日好耐喇!」

Gel:「為左呢一戰,我幾經辛苦由香港追到韓國,再搭飛機去日本,然黎再船返大陸同你地打!」

盔:「睇黎一定要靠呢一戰分個勝負,如果唔係有排都講唔完!」

古天樂用佢家傳絕學---黯然銷魂掌,雙手混圓,運轉三大周天,朕都不甘示弱,即時使出看家絕學---火雲掌,向古天樂示威,而gel頭佬亦左手畫方,右手畫圓,加入戰團。

盔:「呢招咪係失傳左好耐既螳螂問心圈?」

Gel:「錯! 呢招叫圓方!」

盔:「我知! 九龍站果個!」

古天樂:「懶醒,係周伯通既左右互搏!」

朕:「人地係左手畫方,右手畫圓架。。。專心d啦!」

盔:「見你三個都出曬手,我縮手先。」

古天樂:「錫護法,打啦!」

無錯,盔甲佬就我地永遠的男茄呢啡---錫護法。

錫:「今次終於唔洗比人打,而係我都有份打喇! 我唏!」

朕:「麻鬼煩,我地三大高手過招,點會搵件二打六返黎架?」

古天樂:「佢始終係我條靚,我話搵邊個就邊個,況且龘虎門班死仔包無個識打,我點會預佢地。」

Gel:「咁又係,決戰就緊係要由高手黎打!」

朕:「聽講你都係死跟過黎。。。」

Gel:「咁人家都係鍾意古天樂遮。。。」

古天樂:「仲好講,你條粉腸借d意洗開曬我d人,攪到我拿手唔成勢!」

朕:「講咁多做咩,打啦!」

古天樂:「我同你死過!」

呢一戰打左十八個鐘仲未分到勝負,只係朕暫時領先少少。

錫:「老闆,打到有d攰,痾個尿得唔得?」

古天樂:「仲好講! 你個死仔都唔幫我既,打左咁耐你一張都唔肯鬆比我!」

錫:「大佬啊,戰場無父子啊!」

Gel:「我都想鬆比你。。。」

古天樂:「你坐我下家鬆條毛啊!」

朕:「唔好講咁多,食!」

古天樂:「你食咩啊?」

朕:「自摸清一色,位位咁多!」

古天樂:「係咪衰呢!掛住講野攪到我分心!」

朕:「last 鋪,打完!」

古天樂:「你兩條友累我輸錢,一個就誅到鬼咁盡,一個就鋪鋪做對對糊,唔滯,我要上數!」

朕:「輸打贏要。。。」

古天樂:「你信唔信我用如來神掌打爆你個頭?」

朕:「打我丫笨!」

錫:「一係。。。再打多八圈囉。。。」

Gel:「好啊。。。又可以摸多陣手仔。。。」

古天樂即時打冷震。

古天樂:「執位! 打過!」

正當佢地四人轉位之際,突然有一道白光。

錫:「好殘眼!」

朕:「打牌遮! 唔洗又白光啊!」

古天樂 & gel:「啊!!!!!!!!」

「差人,查牌!」

未完

「屌,個故事寫到爛曬,求其抄個白光ending加少少新野就算,唔寫喇,睇陣三上先。」

-澳門首家線上賭場-

「龘仔,唔好學人上網賭錢啊!」

「知喇,媽!」

我叫王小龘,龘虎門真正創辦人。

完。

留言

    未有留言

分享