龘虎門

第32章 - 韓國回憶不堪記

我叫XXX,真名唔好提,自從去左日本加入羅剎教之後,做左半年錫護法(跑腿),跟手去左韓國白蓮公幹,又比人改左個名叫魯鈖(又係跑腿),唔經唔覺都已經成年LU。。。

呢一年我間我同龘虎門(後來先知佢地改左名)唔知點解建立左唔少因恩怨,其實我覺得真係唔係好關我事,除左第一次係日本既香港茶餐廳果獲之外,其他真係唔關我事,我抱住極限樂觀心態去諗,算啦,都係打份工遮。

不過係外地工作關係,我認識左兩個好老闆,一個真名叫「古天樂」既火雲邪神,同一個我都攪唔清邊個係真,邊個係假既整容醫院老闆,佢個名叫「朕」,當然到今日我都唔知佢真名叫咩。

自從上次「驫綺雯事件」之後,我係白蓮既工作都算係順利,除左有時比魯氏兄弟攪亂檔之外,都無咩特別,不過有少少野值得一提既,就係我終於識到女朋友---阿蓮。

阿蓮佢係白蓮入面做清潔既,點解我會LIKE佢?因為佢係成間公司唯一一個無整過既女人。

呢半年間我一得閒就會走去大殿出面練功,貪果到夠空曠,唔會因為D火勁得滯攪到火燭。我重申,我唔係武功差,只係成日比人偷襲同圍毆。

點解今集會講咁多我既野?

仆街! 死人神木(原作者),成個韓國篇我除左比人整容之外,其他都同我無關,個個都肉兒肉兒咁,又小虎又綺雯,唔記得我先係主角咩?係咪想我D粉絲改口叫我做「路人錫」啊!?

謎之聲:「錫護法,你個故事仲有排玩,唔洗集集都講你架。。。君不見肉兒綺雯幾受歡迎?」

挑! 我夠有FANS幫我畫左幅自畫像啦!幾型!

謎之聲:「好~既然係咁,下一輯泰國篇有得你受!」

怕你! 最多咪比龘虎門D人打!

謎之聲:「拭目以待啦!」

-回正題-

由於我係白蓮既半年合約已到,佢地都亦都守信用幫我還原返本來個樣,無錯,多一少一分都無。

正當我執拾好行裝要離開既時候,四姓魯,月姓史同韓國老闆都出黎歡送我,但係我最唔捨得係阿蓮。我叫佢唔好出黎,因為我唔想比佢見到我喊,不過佢話會等我,放心! 我有時間一定會返黎韓國既! 各位! 再見!

同一時間,我竟然見到邪神同一個超巨型肥婆出現,相信佢就係傳說中既肉兒。

邪神:「好耐無見,錫護法!」

「我好掛住你啊!老闆,咦?呢位緊係老闆娘喇。」

肉兒:「人地未嫁人架,仲未係。。。」

肉兒面仔都紅埋,邪神呵住佢,非常恩愛。。。但我覺得有D毛骨悚然。。。

邪神:「就架喇! 錫護法,今次你係韓國之行有功,又間接幫我搵返肉兒,我決定升你職!」

「多謝老闆! 係咪升我做火神?」

邪神:「。。。你個TITLE就叫---「錫護法D-X啦!」

「DX? 機械人咩。。。」

邪神:「唔鍾意? 咁叫鉑金錫護法啦!」

「算啦。。。都係叫返錫護法DX啦。。。」

邪神:「好! 錫護法DX,我而家有個新任務派比你!」

「係咪反擊龘虎門?」

邪神:「呢D濕碎野有人做架喇,更加有意義既! 就係護送肉兒去歐洲SHOPPING!」

我心諗。。。SHIT。。。都好既,成世仔未去個外國,當旅行囉!

「好啊! 咁重要既任務!」

邪神攞左個行李箱出黎。

邪神:「我知道你著唔慣古裝架喇,今次特別預備左套新盔甲比你!」

吓! 又盔甲?仲要著住係歐洲行街?算啦。。。我認命喇。

邪神:「我今次安排左私人飛機比你地,你可以著住上機,幾方便!」

「多。。。多謝老闆。」

邪神:「好喇! 時間唔早,我叫人送你地去機場,我攪埋少少野先!」

邪神同肉兒整左個世紀GOODBYE輪,我幾乎上個月餐飯都想嘔出黎,老闆果然係老闆,重口味程度去銀河系。。。

就係咁,我同肉兒上左車離開,歐洲見。

韓國篇 完

邪神:「朕兄! 多謝你幫我照顧條靚咁耐!」

朕:「乜說話丫! 上兩個月係日本你介紹我做AV男優,都唔知幾好玩!」

邪神:「得閒咪又黎玩過囉!」

朕:「係呢,佢仲有無跟住你啊?」

邪神:「邊個?」

朕:「同我地玩冰火龍虎浴果個啊。。。」

邪神:「風雷?佢無跟住我啊。」

朕:「唔係wor,我d線眼話自從上次你折返之後,成日都見到佢係你身後wor。」

邪神:「係真唔係啊!?」

朕:「我開個cctv app你睇。」

邪神睇住個mon,一路睇一路標冷汗。

全個故事未完,泰國篇繼續!

 

留言

    未有留言

分享