阿媽叫我去飲茶相睇

第5章 - 信

望住背對住人群只係睇住個海嘅格仔恤衫男,係佢。

「圖生」我拍一拍佢膊頭。

「嗯? 到嗱。」

「原來你冇返到屋企啊!」

「你點知......」

「你件恤衫。」

「哈、哈。 你真係同以前一樣咁好記性。」

「尼個應該都係唯一一個優點,亦都係一個缺點。」

聽到我尼一番說話之後,佢又擰返轉頭,望住個海。

「起碼好過我, 39歲先至嚟離婚,仲要學人去相睇,而且估都估唔到......相睇嗰個對像係你。」

「你......」

「其實我唔介意講, 之前我都知成間公司嘅同事知道我老婆係我上司添!」
佢係褲袋拎咗封信出嚟,遞畀我。

「你可唔可以幫我交封信畀佢?」

信封出面寫住,阿Mei。

「係我老婆。」

「唔係,係前妻先啱。 其實我重好仲意佢......」

「咁點解你要走嚟相睇?」

「點解?」

「你餓唔餓啊?」

我擰頭。

「不如陪我食飯吖! 你想知嘅嘢,一次過同你講。」

留言

    未有留言

分享