阿媽叫我去飲茶相睇

第4章 - 音響導演

好耐都冇為電影做音響配音,又好耐冇同成班同事一齊開會,

更加難得係可以俾我哋同一套咁熱血嘅電影合作。

「阿明,今晚嗰場戲要加返啲鼓聲。」

「係嘅!」

「咁我負責男主角入嚟個幕嘅腳步聲啦!」 大隻仔講。

「有冇搞錯啊!阿安。 男主角嗰部份次次都係你架!」 阿業埋怨咁回應。

「邊有啊! 最多米兩次, 而且今次個男主角身型同我差唔多,咁我米自薦囉!」

「阿詩啊!」阿業向我求救。

「下次男主角我自己做返,咁米唔爭啦!」

「咁又唔好...... 最多下次俾男主角你做喇!」大隻仔安慰阿業。

「係先好講!」

「係喇!」

「做配音咋依家,又唔係真係演出,咁都好爭嘅?」阿明附和。

阿業同大隻仔一齊扮鬼面。

「哈! 睇下,睇下! 你哋兩嗰嘅衰樣,咁快又Friend 返喇!」

阿明指住佢哋兩個嚟笑。

你不是真正的快樂,你應該......

突然接到一個陌生人嘅來電。

「我出去傾個電話先!」

「係!」 眼前尼三個男人異口同聲。

*

「喂! 你係?」

「唔好意思,請問你係唔係惠詩啊?」

「我係!」

「我......我係圖生啊!」

「我可以約妳出尼見面?」佢好認真咁講。

而尼種認真嘅程度係超越哂以往嘅工作態度。不過事先聲明,我好肯定我唔係佢嘅「Mrs Right」,
因為佢把聲略帶點有求於我嘅心情......
當然,我都唔想係佢嘅真名天女。

「可以! 你想幾時?」

「就聽日? 好唔好?」

聽日, 真係太快。
好采唔係今日啫。

「好! 晚上8:00,你得唔得?」

「冇問題, 尖東海旁等!」

「OK!」

嘟、嘟,嘟......

嘖,
我知佢份人差劣,但點都估唔到佢會就咁CUT線。
Bye 都冇句。

*

今次電影嘅配音好順利咁嚟到最後一幕。
可能男主角係金城武,大家又係咁爭住配音。
最後一幕係男主角行入去一間房嘅腳步聲,

踏,踏—

大隻仔真係可以 1 Take過。

「well done!」

今日大家都好快手快腳喔,辛苦哂大家。

「唔辛苦! 今次尼一套戲真係幾好玩,我相信一定會攞到唔錯嘅成績。」大隻仔講。

「最好就頒個最佳腳步聲獎俾你。」阿業好妒忌咁講。

「喂, 喂......你地兩個又爭咩啫!」阿明附和。

「都話咗下次男主角到你,到時唔洗再爭啦!」大隻仔拍一拍阿業個膀頭講。

「係先好講!」

「係喇,係喇! 如果我講大話嘅話,下次我做女主角囉,咁得未?」

「你地兩個有冇咁長氣啊...... 食得飯未啊?」阿明插嘴。

「去食飯喇, 女主角!」

「係嘅,最佳男主角。」

留言

    未有留言

分享