攝魂偽術家

第65章 - 陰陽人

二女在酒店天台展開一場春色無邊的人鬼對決。面對沈碧君的洶湧攻勢,女鬼敗象已呈,節節敗退,被逼至走投無路,眼看即將被滅頂,立即跪地求饒。

 

「我自知........罪有應得...........希望.........小姐能..........大發慈悲..........放過我..........」女鬼以哀求的語氣說。

 

「妳講,我有冇冤枉妳?」沈碧君說。

 

「我生前有特殊.........性需要.........因我其實係..........一個..........陰陽人..........」女鬼向沈展示下身,在她自己的私處內赫然出現一個男性獨有的器官。

 

「妳想證明乜野?」

 

「我仲係.........女仔時.........生得好靚..........身材又突出.........但自己性器官.........構造奇怪.........父母當時都唔敢同我講..........發生咩事.........」女鬼說起自己以往的生平時,面容顯得憔悴。「直至我.........認識到.........男朋友後..........我以為自己.........可以搵到幸福.........我同男友從未..........正式做過愛.........當我地簽字結婚.........洞房當晚..........佢見到我下面時.........即刻嚇到爆粗..........話我係..........怪物.........跟住走咗..........最後仲要離婚.........但我當時真係.........好愛佢.........點知佢之後........一直冇再出現過.........」

 

黑夜之中,一輪明月從鄰近大廈的頂層升起,在月色照耀之下,女鬼的皮膚更顯得如紙般蒼白。

 

「巧言令色。唔通就憑依樣野可以借口淫亂別人,又或者殺人?」

 

「我控制唔到.........自己.........性需要..........個次之後.........我好孤單.........只想搵男人陪過夜.........我試過去.........做妓女.........每晚都有.........唔同男人.........自此之後..........我好似上咗性癮咁.........想不斷搵刺激.........之後更有人約我去郊外..........打野戰.........後來我.........同一個陌生人去咗..........獅子山十二笏村.........點知嚮黑夜中..........男人約埋四五個人..........將我輪姦.........佢地怕被我認出..........最後仲殺咗我.........然後將我分屍..........就地掩埋.........佢地仲.........」女鬼說到這裡,突然哭了出來。「仲將我下體割咗出來.........班人話未見過.........半男半女..........原來咁得意..........要拎走..........去做戰利品.........」

 

「後來又點樣?」沈碧君聽到這裡,把原本對準女鬼眉心的桃木劍移開。

 

「想唔到自此之後.........我魂魄鎖定.........嚮獅子山腳..........只得我一個........孤零零好悽慘.........後來有一個.........叫做女皇的靈體.........搵到我話會幫我.........佢提高我法力.........之後我上咗.........一個想自殺的女人身體.........然後搵返姦殺我班人..........我首先埋佢地身..........逐個色誘佢地.........然後殺死佢地.........為自己報仇雪恨........個一刻好興奮........但女皇要我..........幫佢辦事.........話做妥先可以........離開獅子山接受輪迴..........」

 

「可憐人。我可以用大悲咒幫妳去除業障,幫妳超度,如何?」沈碧君說話同時,體內另一個自己不期然流起眼淚來。

 

女鬼此刻收起落寞的表情,跪地不斷叩頭。豈料它想開口感謝之際,下一秒體內突然出現一道如利劍般的光芒,光芒劃破它的胸部和下身,並向它頭頂蔓延,最後從它的面孔五官向四周擴散開去。女鬼的眼睛流下如血的淚水,隨著「呀」的一聲慘叫,身體同時灰飛煙滅。

留言

    未有留言

分享