攝魂偽術家

第107章 - 回魂

我終於在醫院清醒過來,原來我已昏迷了三天。醫生說我能夠康復全賴倩兒和阿賓一直在床邊為我打氣加油,倩兒更怪責阿賓對她隱瞞我在地鐵內不省人事的消息。

 

「呀,到底定邦依家點樣?」我在回復意識後第一時間詢問阿賓。

 

「醫生話........由於佢病情拖延咗好耐,佢依家好大機會變咗做植物人。」阿賓說話時垂頭喪氣。

 

「點解會咁.........我依家就要去睇佢!」我說。

 

由於我才剛醒來,為免我身體不適,倩兒和阿賓二人均表示反對,但我卻堅持出院的決定。出院後,倩兒和阿賓馬上陪我到定邦接受治療的另一間醫院探望。定邦跟先前一樣安靜地睡在床上,身上一直插滿各式各樣的監測儀器。沒想到幾經波折後,我能夠成功從地府回來,但與死神搏鬥的他卻絲毫沒走出陰霾,這到底是怎麼一回事?

 

「佢總算執返條命,但由於身體曾經大耗真元,元神被困嚮身體入面,無法自我復甦。」陸無窮在我心底內說話。

 

「有冇辦法去幫佢?」

 

「辦法只得一個,就係令佢回魂。」

 

「要點先可以令佢回魂?」

 

「姑且利用我魂魄一試。」

 

「即係點?」

 

「我魂魄會同何定邦元神結合,咁做跟上次救妳一樣,目的係試圖重塑佢元神。」

 

「之後呢?」

 

「因何定邦元神被困嚮裡面好耐,一旦我魂魄同佢元神結合之後,唔知仲可唔可以走得返出來。」

 

「我唔想你為我犧牲!況且你曾經多次出手救我!」

 

「今次係我最後一次幫妳,我估何定邦都唔想睇住妳孤伶伶一個人!」

 

「咁日後我仲可唔可以見到你?其實我.......我已經當咗你係我親人一樣!」

 

「就等緣份去決定一切!日後得返妳一個人時記得要勤練六壬神功..........」

 

「我會..............」

 

「有緣再會..............」

 

「陸無窮!!」

留言

    未有留言

分享