超能力Cafe

第13章 - Destiny 2

超能力Cafe裡面,Prophet一行五人正在開作戰會議。

「拿,我簡單講一次佢五個人嘅能力啦,首先係Nostalgia...」Detector大約用了幾分鐘,仔細地說明了他們的能力。

「咁我地應該點做?佢地認真係上黎,可以炸左成個香港,而我地呢?令佢鼻塞?」Radio說。

「比起呢個,我更加關心究竟邊個係Destiny,你同佢同Nostalgia有咩關係?未了解來龍去脈之前,我唔明點解我地要搏命。」Detector看著老闆Prophet,問。

所有人的目光投向Prophet,而Prophet卻不敢面對大家,把頭別了開去。

「佢講唔到嫁啦,等我講比你地聽啦。」Locator說。

大家一起看著Locator,等待他開口。

「Destiny都係一個超能力者,而且佢嘅超能力好強大,強大到可以隨時改變世界,佢個能力叫做『終有一日』。佢可以問一個有兩個選擇嘅問題,兩個選擇都要有『終有一日』呢四個字係係入面。第一個答嘅答案,只要物理許可,就會發生。」Locator說。

「係十四年前左右,我發現佢有呢個能力,果時我仲未識Detector,所有規則我地都係靠做實驗發現的。」Prophet插口。

「『你地』,即係你同Nostalgia?」Allergy問。

「係,當年Nostalgia同我都好想為呢個世界嘅超能力者做D野,所以我地成立左超能力同好會。」Prophet說。

「當時我都係呢個會嘅成員,佢兩個發現左Destiny咁強勁嘅能力之後,開始有D不安,唔知點算好。本來大家都以為超能力只係D無謂野,從來無諗過問一個問題就可以改變成個世界。」Locator說。

「你地問左個咩問題黎肯定呢個能力係Work嘅?」Detector問。

「條問題係:『樓價會大跌,然後終有一日會升返;定係,樓價會一路咁升,然後終有一日會大跌。』」Locator說。

「十四年前,2003年問嘅?」Radio問的時後聲音有點震抖。

留言

    未有留言

分享