獨裁勇者vs民主魔王

第93章 - 選擇命運

「你睇遠少少,睇下有幾多人?」我對煉金術士說。

「得城堡有人,我估唔超過五百人。」煉金術士答。

「等等,頭先你地話方圓五百里所有生物都死晒,究竟係咩事?點解好地地咁大個城堡,然後方圓五百里嘅生物都死晒?」老闆心內一直疑惑,到了這刻,終於忍不住要問。

「要講有排講,你咁諗啦,係我嘅同伴為左救我地而殺嘅。」我答。

「為左救你地幾個人,殺晒方圓五百里嘅生物?」老闆不可置信地問。

「我地無得揀。」我說。

真的,我好像一直可以作出很多選擇,但現在,我又好像是完全沒有選擇必然會來到這一刻一樣,藍龍的說法是:「時間對他來說就好像一個裝滿了無限個塑膠球的游泳池,他可以隨意拿任何一個出來看。但對於我們人類來說,就只可以一個一個順著次序的看。而一個一個順次序的看,即是說我們根本無法知道下一個塑膠球是哪一個。」

但問題來了,我要在那個游泳池之中把塑膠球一個又一個的抽出來,但要抽出哪一個,真的是由我選擇的嗎?還是其實所有塑膠球早就一一排好,我伸手下去時會拿哪一個,一早就已經確定?

如果可以選擇,我希望可以不用殺掉方圓五百里所有的生物就能救出牧師和煉金術士;如果可以選擇,我希望魔法師、牧師還有狂戰士都還在我身邊。但現實呢?現實真的有讓我選擇嗎?

「咁你同伴而家係邊?有能力殺晒方圓五百里所有生物,但個城堡仍然䇄立不倒,一係你個同伴好犀利,一係個城堡好堅固。」老闆的說話讓我從沉思中回到現實。

「佢已經唔係度嘞。你唔好問咁多啦,重要嘅係,我地而家應該做咩。」我說,老實說,由於那全都是我自己的決策失誤,所以才害死了自己的伙伴,我真的不想再提起這段歷史了。

「我搵到你師父佢地三個了,佢地被人綁住左,然後係開緊會果個大廳中間。」煉金術士說。

「個大廳中間仲有D咩人?」老闆問。

「青龍同藍龍都係度,其他人我都唔識。」煉金術士說。

「即係點?即係青龍同藍龍捉住左佢地三個?」我問。

「唔清楚,因為其他人我都唔知咩人黎,但守衛同埋軍隊都好明顯係魔族黎,無一個我識得。」煉金術士再說。

「可唔可以搵個位比我地匿埋,睇睇入面情況再決定?」老闆問。

「要避過咁多人,同埋兩條龍,有D難度。」煉金術士說。

「直接上去啦,我相信青龍,佢係果度一定有原因。即使係藍龍,佢從來都係想睇熱鬧,而唔係想真心害人,比起人類,其實龍族係真誠好多。」我說。

「我反對,咁樣太唔小心啦,萬一佢地傷害我個仔咁點算?我得呢個仔,如果佢有咩事,我一定會『報仇』囉!」老闆皺著眉頭說,而且在說「報仇」那兩個字時,說得特別用力。

「放心,龍族係可以相信嘅。我估上面而家已經完全被龍族操控住局面,果D守衞同軍隊,好大機會係效忠藍龍嘅刺客團。」我說。

「刺客團?聽個名就令人唔放心啦。」老闆說。

「如果係要聽個名就放心嘅,本身『人類貴族』呢個名就好令人放心,但事實上,『人類貴族』係歷史上,先係殺人最多嘅。」我說。

「講殺人最多,我估而家應該係你地勇者團啦,方圓五百里全部生物喎!」老闆說。

「我唔同你拗啦,總之你話跟黎嘅時候,我地係同意左『由我話事』嘅,OK?」我用了較重的語氣說。

「OK,OK。」老闆攤開雙手,一副不甚服氣的樣子。

「好,咁我直接開條路入去佢地開緊會個大廳度啦!」煉金術士說。

留言

    未有留言

分享