獨裁勇者vs民主魔王

第91章 - 音樂盒子

「呢個係我開門過黎嘅時候見過嘅盒。」我走過去,把盒子撿了起來。

「仲估有咩咁神奇,原來係普通嘅音樂盒黎啫。」老闆從我手上把盒子接了過去。

「音樂盒?」煉金術士問。

「係,打開就會有音樂聽嘅盒,入面有個上鍊嘅裝置,佢一路轉,一路就會彈一塊鋼片,之後就會有音樂。」老闆一邊解釋,一邊打開那個音樂盒,盒子中心那個金屬裝置立刻播出單調旋律的音樂。

「呢個明顯係你地世界嘅野黎,但點解會係我上次開門嘅時候出現,又點解會係呢度出現呢?」我問。

「我點知呢?」老闆說完,把音樂盒合上,用手搖了搖那個盒子,盒子內發出很明顯又空洞的硬物撞擊聲,這東西入面一定還有暗格,有其他東西。

我把那個盒子從老闆手中搶回來,用劍尖撬向紅色軟墊的位置,果然一撬就整塊軟墊被撬開了,露出了盒子的暗格,暗格內有一個小瓶子,另外還有一個幾厘米長、長條形的小盒子。

「呢支係錄音筆,可以錄低你講嘅野。」老闆指著那長條形的小盒子說。

「咁呢樽係咩野呢?」我拿出那個小瓶子,上面有一些白色的粉末,我把她遞給煉金術士。

「應該係龍骨黎。」煉金術士接過瓶子後,答。

就在這一刻,老闆按了錄音筆上的按扭,然後那個長條形小盒子就亮起了綠色的燈號。

「Distorsión de gravedad。」長條小盒子唸出了咒語,小瓶子接著發出了藍色的光芒,之後,藍魔法傳送門打開了。

「Cancelar!」校長大喝一聲,然後傳送門就隨之關閉。

「我明啦,呢個係一個開門嘅裝置,即使呢邊無任何你果邊嘅人,都可以開到門過黎。」我說。

「應該係你師父係你開門嘅時候掉過黎嘅,咁佢地就唔使同你正面衝突,然後直接返到過黎呢邊啦!」煉金術士說。

「佢地過到黎其實都預左,我而家擔心嘅係,唔知佢地收埋左幾多果咁樣嘅音樂盒係呢邊。」我說。

「無錯,如果我地唔搵晒佢出黎,咁我地頭先講嘅合約呀、賺錢呀,咩都做唔到。更恐怖嘅係,咁容易開門嘅話,有一兩隻蟲走左過我地世界我地都唔會知。」老闆說。

「一日都係你個仔累事。」我說。

「如果世界係因為幾個呢種咁嘅音樂盒而被毁滅,都幾搞笑,但搞笑得黎又好得人驚。」老闆說。

「龍骨加咒語明明係禁忌黎,點解你個仔會識?」校長先清了清喉嚨,再說,臉上的表情非常嚴肅。

「我唔知,我頭先都講過,我好忙,平時都係管家湊佢嘅。」老闆攤了攤手,答。

「你知唔知咩叫禁忌?禁忌就係一旦比唔應該嘅人知道左之後,整個世界都會有危險嘅野。」校長再說。

「我覺得,龍骨同咒語都無錯,錯嘅,係亂咁用佢嘅你地呢D人!」煉金術士說。

「細路女,你唔明白,人類呢,並唔係生出黎就善良嘅,龍骨同咒語,代表嘅係無制約嘅魔法,唔需要練習,唔需要代價就可以施展強大魔法呢件事,對人類、對世界黎講結果都只會有一個,就係滅亡。」校長說。

「無門檻嘅魔法,可以造福人群,只要控制得宜,最後得益嘅一定係人類。火都可以燒死人,但經過左咁多年,火一定係提供左比人類更好嘅生活!」煉金術士說,她完全被校長打開了她的開關。

「而我嘅責任,就係確保禁忌唔會比任何其他人知道。」校長語重心長的說。說完,他舉起了雙手,突然間,一陣熱氣自我的右邊撲來。

那是一個由熔岩組成的浪,在我右邊憑空出現,向我們五人席捲而來,校長毫無預兆地向我們放出如此強大的殺手魔法,而他自己則早已用飄浮術浮在半空中,等待著我們五人被熾熱的岩漿吞沒。

留言

    未有留言

分享