獨裁勇者vs民主魔王

第75章 - 有人偷聽

寫完那六個字之後,煉金術士抓著我的手腕,把我拉近她身旁,用雙手緊緊的抱著我。

「勇者,你可唔可以咁樣一直攬住我?」煉金術士大聲地問。我登時臉紅耳赤,一時間,腦袋轉不過來,差點就想順勢將她推開;到我回過神來的時候,才記起她剛剛在我手掌上寫過「有人偷聽」,所以才生硬地舉起雙手,回應了她的擁抱。

她的身體有種很奇特的香氣,是我從來沒發覺的,那股香氣聞起來讓人覺得很舒服,跟微微喝醉的時候很相似。

「而家唔係做呢D野嘅時候啦。」牧師一邊皺著眉頭,一邊說,一邊走到一張椅子旁,然後坐在上面。

「關你咩事啫!」煉金術士一邊說,一邊對牧師打了個眼色,也沒理會牧師會不會意,就直接把嘴巴湊近我的耳邊,開始小聲說話:「我入黎之前,用魔法探測過呢度,牆入面有夾層,有人係入面,牆邊果塊鏡都係單面鏡,我地完全被監視住。」

「你突然間咁樣攬住我,我都唔知點算好。」我說。

「你唔鐘意咁咩?」煉金術士用嬌嗲的聲音說,雖然我明知是假扮的,但還是聽得起了雞皮疙瘩。說完這句,她在我耳邊小聲的補充:「然後我入到黎之後,魔法即刻用唔到,我估呢間房入面就有果隻令魔法無效嘅石頭,你師父一直係度講大話。」

「唔係話唔鐘意,只係唔係好慣啫。」我一邊回答煉金術士,一邊說給牆入面的人聽。

「慢慢你就會慣嫁啦。」煉金術士說完,就輕輕地推開了我,站到了牧師後邊,雙手輕輕地搭著牧師的肩膊。

「咁我地點算?要唔要跟師父去果個領地?」我問。

「我唔知呀,我剩係知我地一定要搵到果種石頭。」煉金術士語帶相關地說。

「唔知果種石頭係咩樣嘅呢?如果搵到佢出黎,我一定會毁滅佢。」我也語帶相關地說。同一時間,我看見煉金術士的手在牧師的肩膊上指指點點,看來是正在告訴他有人偷聽這件事。

「應該好似水晶咁?類似魔族嘅直播水晶球之類。」煉金術士答。

「水晶裝魔法我就聽過啫,可以禁魔法真係未聽過。」牧師搭咀。

「水晶仲可以用黎整鏡丫,你睇呢間房塊鏡幾靚。」我說,然後指了指牆上的單面鏡。

「我細個嘅時候,成日覺得,鏡後面係另一個世界黎,好想過去睇下。」煉金術士說。

「如果鏡後面係另一個世界,咁而家果邊咪同呢度一樣,應該有三個人囉?」我問。

「未必嘅,鏡入面嘅世界我估唔會有好多人。」煉金術士說。

「點會呢,你睇下塊鏡,明明就三個人,同我地一模一樣嘅三個人。呢三個人,比人困左係鏡入面嘅世界,出唔返黎。」我說。

「咁又係呀,鏡入面嘅世界,門係打唔開嘅,只有我地呢邊打開門,佢地嘅門先可以打開。」煉金術士說。

「你地做乜越講越遠,唔係話要去搵石頭咩?」牧師說。

「係喎,講我細個嘅野做乜,我估D石頭唔會好大粒,應該唔難搵的。」煉金術士一邊說,一邊行近鏡面。我明白了她的意思,也一起走到鏡面前,用背脊擋住了大部份的鏡面。

「但係你師父所講嘅禁地,又係咩地方黎呢?」牧師一邊問,一邊走到了房間中間的桌子旁,上面有一個小花瓶,他把花瓶倒轉,入面倒出了兩顆小石子,牧師連忙把石頭藏在掌心,然後快速地把花瓶回復原樣。

「我估係通去大陸另一邊嘅藍魔法入口。」我說。

「另一邊?」牧師問。

「係,呢邊係大陸最西邊嘅話,另一邊就係大陸最東邊。」我說。

「即係如果你係大陸嘅一邊,我就係係大陸嘅另一邊咁?」牧師一邊走向客房的另一邊,令石頭盡量遠離煉金術士和我。

留言

    未有留言

分享