獨裁勇者vs民主魔王

第2章 - 桌子之上

人類和魔族的戰爭已經維持了三百年,而我們,是第一組成功攻陷魔王城,並且殺死魔王的團隊。

我們從勇猛國出發,在那條險要的山路上擊敗了幾個魔將,跨越了黑風山,屠殺了整支在魔族前線都市的軍隊,肅清了魔王城所有的衞兵,來到了魔王城,並且由狂戰士把魔王刴成了肉醬。

能夠做到這樣的豐功偉業,因為我的團隊中有幾個百年難得一見的天才,魔法師是魔法學校成立以來最強的畢業生;狂戰士在鬥技場出戰三年,共戰鬥276場,未嘗一敗;牧師更被譽為是大地的恩賜,曾經一次過讓整個城市的瘟疫消失。

但是,當我們攻陷魔王城後,卻有點失落。

「你殺左佢,佢地咪即刻將魔王城遷都,然後選個新嘅魔王出黎囉,衰衝動!」魔法師邊喝酒,邊罵。順帶一提,魔族的酒比我們的酒好喝多了,又醇又濃,而且有著濃濃的果香。

「我地本來就係黎殺魔王嫁啦!係你搞埋D無謂野!」狂戰士一口喝光了杯內的酒,再答。

「我地明明係前線都市嘅時候講過,唔要做無謂嘅殺戮,要達致真正嘅和平。」我說。

「你係團長,你話咩咪咩囉!勇者!」狂戰士一臉不服的神情。

「咁我地而家應該點?」我轉向魔法師,問。

「兩個選擇,一係就橫過獄血河,再殺幾百里路,去新魔王城搞掂佢個議會同埋新魔王。另一個就係穩穩咁佔領呢度,然後睇下我地嘅國家聯盟有咩指示。」魔法師說。

「我唔贊成再殺入去。」一向不太說話的牧師開口了。

「其實,以我地嘅能力,明明可以剷平成個魔族領地,點解我地要咁?」狂戰士忍不住搭腔。

「如果因為我地打得,就可以屠殺人地?唔怪得魔王話我地『唔文明』啦!」魔法師說。

「你!」狂戰士的反應很大。

「冷靜D先,冷嘲熱諷同衝動都無法子解決問題的。」我說。

「咁你點揀?」魔法師說。

「要點樣先可以穩穩咁佔領呢度?我地得四個人。」我認真地問,普通人類軍隊越過山路到達這裡,至少要二十天的路程,而魔族的復仇大軍大約只要一星期就來到了。

我們四個,要對付幾千人是綽綽有餘的,但對付幾十萬大軍,則無能為力了。

「恐懼!用恐懼黎統治最有效!」魔法師說。

「無錯!係恐懼!不過係你地嘅恐懼!」一把不認識的女聲突然說。

而且話音未落,狂戰士的頭顱血淋淋地滾落在桌子中心。

「我係魔族派黎嘅刺客,如果唔想好似佢咁,就快D離開魔王城!」女刺客的聲音越來越遠。

沒人看到她是怎樣眾目睽睽下割下狂戰士的頭顱,也沒有人看到她是怎麼離去的。

留言

    未有留言

分享