最近我想追一個女仔

第53章 - 遇見你的註定

雨色朦朧點油燈,我的目光穿透用雨絲織成的布,見到了一家披著仿草皮的店。

.

我走入簷帳底下,抖擻精神和雨傘,然後推門而入,頓時感受到咖啡室內的冷氣和暖色。咖啡店的裝潢精緻,播著輕快的鄉村音樂,甚有歐陸小鎮風味。

.

接著我督見了一個女孩獨坐在角落處,眼神閃閃縮縮,狀甚不安。

.

「好耐無見喇,阿Kit 。」我露出笑容道。她今天戴了一頂粉藍色扁毛帽,甚有鄰家少女的氣質。

.

她抬頭見到我的一刻,急速抽了一口氣,又開始玩弄自己的髮夾。

.

「係咩⋯⋯都好似幾個月左右啫⋯⋯」她誇張地笑道,意圖掩飾自己的尷尬。

.

為甚麼我會知道?因為我在阿玲面前也是這樣的一臉窘相。

.

「你未嗌嘢飲?」

.

「係啊⋯⋯我都唔知飲咩好。」

.

「咁你鍾唔鍾意甜吖?」

.

「都⋯⋯都ok 啊。」

.

我微微一笑,然後召了侍應過來,說:「一杯 Caramel Macchiato,Single Shot;另外一杯熱mocha 就得喇。」

.

侍應點了點頭,微笑說好;我從他的眼神中讀出了「識貨」的情緒。

.

Kit 呆呆地看著我,顯然不知道我點了甚麼;說真的若不是來之前Google 了一下,我也不知道我剛才點的是甚麼東西。

.

「放暑假喇喎,你揀咗啲咩科啊?」

.

「我揀咗BA、Econ、Chem ,都幾好㗎。」

.

「哦⋯⋯我都讀Chem 㗎喎,唔使驚!中四啲chem 好簡單㗎咋!」

.

「嗯⋯⋯」

.

我們寒暄幾句後,Kit 明顯按捺不住好奇,便強裝鎮定問道:「其實⋯⋯你今日約我出嚟想講咩啊?」

.

我的心在怦怦亂動,為我接下來準備要做的事而緊張,還是說只是咖啡因作祟?

.

咖啡喝到底了,我鼓起勇氣,說出昨晚就準備好的台詞。

.

「我記得你鍾意睇動漫㗎可?」

.

「吓?」她不料我有這一著。

.

「不如⋯⋯你上我嚟我到一齊睇?最近套《一O超人》聽講好正!」

.

「吓⋯⋯但係⋯⋯」

.

「唔好但係啦!而家行喇!」說罷我就𣊬速結了賬,帶著阿Kit 回家,途中經過了一間7仔。

.

「啊!你等我一陣!」我忽然想起了一些可能會用到的東西,便花了點錢買了。

.

最後搞不清狀況的Kit 在我半推半就之下,還是進了我的房間。由於事前我已悉心打掃過的關係,凌亂的房間此時變得一塵不染。

.

就在我忙著開電腦的時候,腼腆的Kit 含糊地說:「其實⋯⋯睇片都唔一定要上你屋企啩⋯⋯」

.

「講嘢方便啲啫⋯⋯喂,開始喇!」我指著電腦屏幕道。

.

Kit 看了一會之後便覺得不對勁,因為電腦上播放的不是動畫,而是一套真人飾演的電影!

.

「阿哥⋯⋯你係唔係播錯嘢呀⋯⋯」

.

「梗係冇喇!你睇埋落去先啦!」我露出了一個狡黠的微笑。

.

電影的劇情一路推進,Kit 的表情也由疑惑演化成驚喜,最後變成恍然大悟。

.

「呢套咪⋯⋯《我的姣婆時代》?」Kit 霍然轉頭望著我,驚訝道。

.

「你鍾意睇吖嘛。」

.

「我上網搵咗好耐⋯⋯但嗰啲唔係起哂格,就係低質嘅偷拍。點解呢套咁高清嘅?」

.

「我特登租咗隻碟嚟睇㗎!」

.

「吓?咩叫租碟呀?」Kit 歪著頭問我,煞是可愛。

.

「嗯⋯⋯算喇,之後再同你解釋。」我的頭上多了許多黑人問號,唔通我同呢個世代已經脫軌,我細細個已經成日租碟睇《多OAO夢》啦喎!

.

「哦!原來個校花本身係鍾意男主角嘅!唔怪得知個結局係咁啦!」Kit 愈看愈興奮,不時叫了出來。

.

由於地方淺窄,我和Kit 都挨得很近,感覺既溫柔又浪費,不禁讓我想起與阿玲一起看YouTube 的時光⋯⋯

.

而家⋯⋯佢又係咪同緊佢鍾意嘅人喺埋一齊呢?

https://youtu.be/-tH-FslPsz8

.(音樂開始)

想著想著,原來電影已經完了。

.

「嘩⋯⋯多謝你呀阿哥,套戲我好鍾意啊!」她天真爛漫地笑道,笑得跟那個她一樣甜,原本放鬆的我竟然有一點發抖。

.

我回過神來,擴音器正播放著那首好聽的主題曲。


.

「咁、咁咪好囉⋯⋯係喇,我有啲嘢想同你講⋯⋯」我結結巴巴道。

.

明明已準備好要說點甚麼,話卻卡在了喉嚨間不願出來。

.

Kit 卻是耐心地坐著,按著雙膝,微微低頭斜眼向上看著我,作口形無聲地說:「做咩呀?」

.

我深呼吸了一口氣,說:「你之前咪send 咗好多whatsapp 俾我嘅⋯⋯」聲音從未試過如此溫柔。

.

她點了點頭。

.

「呃⋯⋯即係其實⋯⋯如果可以嘅話,我唔想再做你阿哥⋯⋯」

.

她皺一皺眉,問:「點解呀?係咪我有咩乞你憎啊⋯⋯」

.

「唔係唔係!」

.

我低了頭迴避她的視線,然後緩緩的,捉住了她的小手。

.

「你、你做咩呀?」她的手在發燙。

.

「我想講,如果我做咗你男朋友嘅話⋯⋯你咪可以晚晚同我whatsapp 囉⋯⋯」

.

我抬頭,始發現她的臉紅得像熟了一樣。

.

「我、我唔係好明你講咩⋯⋯你可唔可以講白啲?我唔想有誤會啊!」她小聲地說。

.

我的腦子亂成了一團,緊張得不自覺地在喘氣。

.

「Kit,我⋯⋯我愛你,你願唔願意⋯⋯做我女朋友啊?」我把她的手捏得更緊。

.

Kit 此時忍不住笑意,卻說不出一句話,只猛地點頭如搗蒜。

.

內心的愉悅早已如激流般傾瀉而出,我微微張開嘴唇,慢慢湊近她⋯⋯在最後一刻,我看見她用力地緊閉著眼,迎接著⋯⋯我。

.

活了這麼久,我現在才知道,原來親吻的感覺是這樣的,如此溫柔、浪漫且激動、畢生難忘。

.

這五秒鐘就如一輩子般長,但我卻不曾想要完結。

.

「呢個⋯⋯係咪你嘅初吻?」我問。

.

「嗯⋯⋯係啊⋯⋯」

.

我抿一抿嘴唇,笑道:「我都係。」

.(音樂結束)

「好喇!咁你走啦!」

.

「吓?」

.

氣氛忽然變了調,變得極度尷尬。

.

「就⋯⋯就係咁?」她問。

.

「呃⋯⋯係呀,都夜啦嘛⋯⋯你都唔係都要返屋企咩?」

.

「哦⋯⋯都、都係嘅。」

.

「不過如果你想喺度過夜都冇問題嘅,我頭先都買齊哂嘢⋯⋯」我從便利店的塑膠袋裡拿出了兩個小盒子,Kit 看見了,卻花容失色道:「吓?咁⋯⋯會唔會太快?」

.

「你唔想咩?」我靠近她的臉道。

.

「唔係⋯⋯不過我都係時候要返屋企啦!」

.

「咁好喇,我送你落樓下?」

.

升降機門開啟的時候,她幾乎是用摔的跑了出門口,讓我大惑不解。

.

回到家後,我拿起了那兩盒新買的啤牌和飛行棋,心想:可能她不喜歡玩這些老玩具吧?難道我們之間真的有代溝嗎⋯⋯

.

算了,反正重點是⋯⋯我終於有女朋友了!Yeahhhhhhh !

留言

    未有留言

分享