最近我想追一個女仔

第36章 - 脫毒夏令營(四分之三)

《最近我想追一個女仔⋯⋯》 (拉到最底揀劇情 ❗)
【36. 脫毒夏令營(四分之三)】

「又點啊?」我怨恨地看著 Kit 。如果不是她,我根本就不會來這種鬼地方!

.

「冇、冇⋯⋯睇下你哋點啫⋯⋯你個樣做咩咁恐怖喎⋯⋯」她如一隻受驚的小狗般囁嚅道。

.

「冇咩嘢就走喇。」

.

正當我想關門之際,Kit 卻擋著了我,大叫:「等陣!」

.

「你想點?」

.

「可唔可以⋯⋯出嚟一陣?我有嘢想同你講⋯⋯」

.

她那雙水汪汪的大眼睛斜望上來,竟教我不禁一時心軟⋯⋯

.

「呢度原來冇wifi⋯⋯連訊號都收唔到⋯⋯」

.

「係啊,聽講係特登安排㗎。」她玩弄著頭上的髮夾道。

.

晚風沁人,即使正值溽暑時節,我和 Kit 坐在鞦韆上也絲毫不覺得難受。

.

「究竟之後幾日仲有咩活動㗎⋯⋯」我問。

.

「嗯⋯⋯其實都、都冇咩嘅⋯⋯」

.

「你有心事?」

.

「吓?」她的雙肩一抖,果然被我看穿了心底。

.

「你每次緊張嘅時候都會玩髮夾。」我笑笑道。

.

「咁都、俾你睇穿?⋯⋯咁⋯⋯你知唔知點解我邊個都唔搵,係要嚟搵你?」

.

「我諗都係衰靚仔啦!」

.

「唉⋯⋯冇你咁好氣⋯⋯」

.

Kit 輕柔地盪了一回,黑底白邊的超短排球褲下是一雙引人垂涎的美腿。只見她又開又合的樣子,確實一看醒神。

.

「有啲咩咪直接講囉!我唔係好識氹女仔㗎咋!你唔講,我唔會估到你諗咩。」

.

Kit 仍是一副悠柔寡斷的樣子,張口欲說卻沒吭出一粒音。

.

「哎⋯⋯這訊號以無聲仿有聲——」

.

我等到沒趣,便一邊啍著歌,一邊盪著鞦韆,享受迎面而來的涼風。

.

良久,Kit 突然開口,而且語速快過子彈地說:

.

「其實你有冇少少鍾意我?」

.

「咩話?」我聽後震驚得忘了抓緊鐵鏈,一盪出去就摔了個狗屎!

.

「如果你唔鍾意我⋯⋯上次又點解要咁做吖!」我回想起硬騎在Kit 身上的畫面。

.

我摸著吃痛的腦袋,道:「上次只係意外,唔好意思囉!正常我點會⋯⋯點會同你條八婆搞啫?」

.

此話當然是言不由衷,但我至今都還未曉得當中緣故,那時我簡直是迷失了自我,一見到Kit 就不管三七二十一先撲上去再算,狂得像嗑了春藥一樣⋯⋯

.

等等,春藥?

.

我忽然憶起了一些片段。

.

「係鹽!你上次煮飯嗰陣有冇落鹽?」我急問。

.

她有點愕然答道:「有、有啊,我仲驚唔夠味,所以落咗好多㖭⋯⋯」

.

「咁你啲鹽喺邊到嚟㗎?」

.

「咪洗手盤隔籬包白色嘢囉。」

.

謎底已經解開!答案就喺呢度!

.

上次我回家後就順手將褲袋裡的東西掏出來,而Kit 肯定將那包「水過三巡半句多」當成鹽煮了!

.

「喂乜你有灌我飲水咩?」我追問。

.

「吓⋯⋯咁我見你暈咗,咁我咪俾啲水你飲囉⋯⋯」

.

看來事情已經水落石出了,害我丟了三百石的間接兇手就是 Joe 仔!

.

Kit 一臉不解看著我,問:「咁又點啊?」

.

「冇⋯⋯問下啫⋯⋯總之我對你一啲意思都冇啦!一啲都冇!」我不可能將原委告訴這個楚楚可憐的少女啊⋯⋯

.

「一啲都冇?」

.

「一啲都冇!」雖然她很可愛,但我早已心有所屬了!不過話說回來,表白一事還是不了了之呢⋯⋯

.

「咁⋯⋯好喇⋯⋯」

.

最怕空氣突然的安靜。

.

我急忙轉移話題,道:「係喇!你上次咪問我點解我哋可以用到六樓活動室嘅?你而家仲憋唔想知?」

.

「都⋯⋯都想嘅⋯⋯」她低著頭,盪鞦韆的頻率愈來愈少。

.

「我發現到,拎住六樓鎖匙嘅只有一個人⋯⋯」

.

「嗯?」Kit 道我怎麼突然頓了下來。

.

「你聽唔聽到有啲聲?」

.

「咩聲啊?聽唔到喎⋯⋯你唔好嚇我啊!我好驚呢啲㗎⋯⋯」

.

「跟我嚟。」我敢肯定那絕對是人聲。

.

「唔好喇⋯⋯」

.

「咁你自己喺度。」

.

「行咪行囉⋯⋯」

.

我們追隨著聲音,來到了其中一間營屋。

.

我的耳朵貼著牆壁,只聽到一些奇怪的聲音:

.

「啊啊⋯⋯啊啊啊啊⋯⋯」

********

✨ ✨劇情選擇:

要開門看看嗎?

心心—— 開佢老母!

嬲嬲—— 唔好多事!

即刻去我嘅FB 投票啦! 

https://www.facebook.com/chocolatebearrr/

留言

    未有留言

分享