最近我想追一個女仔

第33章 - Whatsapp 回憶錄

2014年 7月 22 日。

聯絡人名稱:余青玲。

 

「喂!你開始做暑期作業未呀?XD」

「痴線㗎咩!無啦啦點會咁快做?」

「咁你而家做緊咩?@@」

「冇呀⋯⋯咪得閒同下人打下排球、出下街、煲下劇咁囉!下個月就去台灣旅行鳥~ ^_^」

「我都有煲劇喎!我有睇潛行O擊!我好鐘意Laughing Gor 㗎!」

「我睇Super Natural 㗎,港劇好少睇 ^ ^” 」

「lol」

 

2014年 7月24 日。

「你得唔得閒啊?」

「ok 啊,做咩啊?」

「我好悶啊,想搵人傾計咋嘛!」

「XDDDDD 好喇,傾咩?」

「Emmmm… 雖然咁講好似有啲突然,但係我最近鍾意咗個女仔⋯⋯」

「你上次咪講過囉!XD」

「係喎⋯⋯hahaha」

「咁你有咩少男心事啊?」

「吓?咁你都知?」

「直覺囉!」

「是咁的,我鍾意嗰個女仔太好喇,搞到我覺得我同佢距離好遠⋯⋯無論我做咩都好,幾努力都好,我都好似冇能力做到人男朋友⋯⋯同埋我有時我喺度諗,我究竟要做啲咩先令到佢鍾意我呢?點樣先知佢對我有意思?我真係好迷惘,你覺得我應該點做?」

「嘩⋯⋯你個問題都幾大喎。」

「算喇,我都唔expect 一個答案。」

「我又唔會想去認識人,又無咁嘅經驗,點知姐 - -」

「你肯聽我9噏 我已經好滿足。」

「每逢呢啲時候,我都會覺得自己好可憐。」

「就算幾咁負面,都搵唔到人傾訴。」

「你都知你係9噏。」

「...」

「你咪搵咗我囉,唔好匿埋喺間房喊呀怪叔叔。」

「點解你對我咁好?」

「因為我哋係朋友囉!」

「嗯⋯⋯多謝你。」

 

 

2014年8月13日。

「其實我成日腥whatsapp 俾你會唔會好煩XD」

「少少喇XD 」

 

 


2014年8月20日。

「喂就嚟返學喇,終於有見得^_^ 」

「你掛住我咩?XD」

「冇囉!!!! 」

 

 

2014年10月23日。

「畫Banner 要加油啊!」

「Thank you! 」

 

 


2014年 11 月20 日。

「今日嘅事好對唔住⋯⋯」

「傻喇,都唔關你事。」

 


2014年 12月24日。

「你今年同唔同我哋一齊去睇燈飾?」

「好啊!」

 

 

2015年 4月 1 日。

「 阿玲。」

「?」

「其實你知唔知我鍾意咗你好耐?」

「今日4月1喎。」

「所以你想講咩?就算你等得再耐,我都唔會話呢個係笑話。」

 

 

2015年 4月2日。

「唔好嬲我啊 / . \ 」

「愚人節被fake 是常識吧。」

「唔好同我講你冇信過。」

「你講到咁我會被你大親㗎嘛。」

「XDDD」

「不過睇嚟我都係冇行㗎啦,我咁有表示你都冇反應。」

「你係諗緊點拒絕我啫下化。」

「我真係唔知點反應好⋯⋯」

「一係應承,一係拒絕㗎啦。」

「==」

「做咩?我講得唔啱?」

 

 


2015年 5 月 22日。

「其實嗰個人係咪你⋯⋯?」

「咩啊?」

「(訊息已被刪除)」

「(訊息已被刪除)」

 


2015年 6 月 22 日。

「溫書加油!」

 

 

2015年6 月 30 日。

「其實你討厭我可以同我講⋯⋯」

「下?無喎,你諗咩啊?」

「(訊息已被刪除)」

「(訊息已被刪除)」

 

2015年7月14日。

「我真係覺得自己好傻仔。」

「(訊息已被刪除)」
「(訊息已被刪除)」
「(訊息已被刪除)」

「(訊息已被刪除)」
「(訊息已被刪除)」

「(訊息已被刪除)」
「(訊息已被刪除)」

「(訊息已被刪除)」

「(訊息已被刪除)」

「(訊息已被刪除)」

 


2017年2月3日

「(訊息已被刪除)」

「多謝你。」

留言

    未有留言

分享