廁探Toiletective

第18章 - 路小雨

  少女失蹤案再次驚動咗成個社區,睇嚟兇殘嘅罪案會陸續有嚟,你永遠唔知個癲佬幾時先肯收手。

  「禾朋友尋晚比人姦完唔見咗人喎,係咪胡應該等四十八個鐘呢?」

  「點樣證明你個朋友比人姦咗?你係唔係睇到佢比人姦咗先?」

  「個變態佬要脅我叫禾走啊……唔係佢就殺咗禾朋友!」

  「咁你尋晚做咩唔報警?」

  「禾以為禾朋友同佢傾掂數嘛,點知……」

  「哦,咁姐係雞啦,勞資糾紛去番小額錢債審裁處啦!」

  「但佢今日真係唔見咗,依定係比個變態佬捉咗…」

  「咁你認唔認到個變態佬個樣啊?」

  「戈時個後巷巧HI,禾乜都睇唔到啊…」

  「好黑吓話?咁你又知你朋友比人姦咗?會唔會去咗長洲咋?」個警察冷笑咗一聲。

  「但佢唔聽禾電話喎…」

  「唔聽你電話就係失蹤啊?咁我老婆一日都失蹤幾百次啦!」

  「佢連工都無返喎,又典計先?」

  「我發咗達都唔會返工啦,聽日先再嚟啦!我哋好唔得閒架!」

  我喺報案室報到嘅時候見證住呢段對話,仲睇到有個警察係個辦公室度離遠影住成個情況。喺今時今日嘅香港,你想靠警察幫你伸張正義已經無用,唔見咗人要自己搵,比人砌生豬肉要自己還自己清白,如果要立到案,我諗要去搵個裝住篤精,濕淋淋嘅陰部咁去報案先可以。

  由警署行返出去好似個大蒸爐嘅街上面,啱啱個大陸女仔行得仲快過我,好似趕住去死咁。佢喺佢個手袋度拎咗一大疊紙出嚟,原來係佢自己印嘅街招,去警署之前,佢已經做咗兩手準備,睇嚟佢尋晚成晚都無瞓過。

  而張街招嘅文字係用黑色MARKER寫上去嘅,上面寫住佢朋友嘅名、身高、體重同當日著嘅服飾等等嘅資料,中間仲有大大幅黑白嘅車頭相,而當望到佢個樣嘅時候,突然有一種莫名嘅熟悉感,然後我就突然當街當巷咁大叫咗一聲。

  失蹤嘅果個女仔原來係叫碧芯,竟然係我同個變態佬撞到當晚叫嘅果隻雞!一夜快慰之後,估唔到我哋已經再無見第二次嘅機會。

  而再諗深一層,碧芯係呢個世界上唯一一個可以證明我有不在場證據嘅人,佢可以證明我哋果晚究竟玩咗幾耐,究竟出咗幾多次,而最重要嘅係,佢可以證明我絕對無任何強姦任何人嘅意圖同動力。

 

  「我幫你貼吖。」鼓起咗平生唔敢主動同女仔講嘢嘅勇氣,我要把握每一個可以救到自己嘅機會。


  「胡洗啦,禾自己搞電得架喇。」佢答。

  「橫掂我得閒,一個人要貼曬成區好辛苦架,我幫你貼喺啲高啲嘅地方,比我幫你吖。」個大陸女仔唔知我要幫嘅,其實係我自己。


  「好啦,禾叫小雨呀,雨天個雨,個人同個名好唔襯哦可?係碧芯嘅同事。」盛情難卻,佢終於分咗半疊街招比我,我仲留意到佢右手手背度有一對羽翼嘅紋身。

  佢下意識咁望一望自己對大乳,原來太認真做嘢個BRA移咗位,小背心露咗對南半球出嚟,唔怪得警察哥哥都忍唔住要拍低。貼緊街招都不望拉客,原來佢都係雞,但佢係一隻有義氣同敬業樂業嘅雞。

 

  「我叫呀傑啊,傑出個傑。」可惜現實中嘅我一啲都唔傑出。

  就係咁,我哋貼咗成個下晏嘅街招,雖然係一種好愚蠢嘅做法,基本上唔會有人去關心電燈柱上面嘅街招,所以我就自動請纓,將呢張街招用電話影低擺咗埋上FACEBOOK「西區人」嘅群組。我深信只要喺成個區度有一個適合嘅人用一秒嘅時候望到呢張A5紙,咁我哋就會有希望。

  「我哋會再見架可?」我問。

  「依定會啦,聽日要走去中環度貼吖。」

  夕陽好似半個咸蛋皇咁,由好遠嘅山邊慢慢下沉,成個天空都係變咗色,映照住街上面嘅行人。陽光灑落去小雨嘅背影果度,佢嘅頭髮都被染成橙色,我望住佢身材均勻嘅軀體,只有一個異性朋友嘅我竟然有啲心動,我好想問佢究竟喺邊度返工。但「有啲嘢,唔洗喺一晚內做曬」,我哋聽日仲會再見,天文台話聽日唔會落雨,希望在明天吖嘛,聽日我哋兩個一定會搵到碧芯究竟係邊。

留言

    未有留言

分享