呃Like 呃出人鬼戀

第8章 - 第八晚:我最期待嘅畫面!終於出現!

「佢無玩你架潮哥,我可以做人証。」突然我背後有人講嘢,我當然認得把聲,老麥。

佢只喺望一望我,然後繼續同潮哥講:「依部手機我早兩日都試過,真喺無問題,而且仲可以一日打幾十嗰電話嚟炸我添。」老麥雖然仲有啲嬲,不過可能睇到我嚟整電話,知道部機真係有問題,所以主動走過嚟幫口。

果然喺好兄弟。

我接住話:「真架潮哥!呃你正衰仔。話時話,生果機唔喺好耐用咩,我點搞都唔識將部機搞成咁啦。我只喺唔小心將部機掉咗埋牆。」

「真架,打出,打入,上網,仲收收埋埋好多靚女相添。」 老麥笑住咁數手指,然後終於都忍唔住鬆咗我一肘。

潮哥摸住下巴,諗咗一陣,然後變得一臉認真話:「識你地咁耐我都信你地唔會玩嘢。嗱!不過,我縱橫手機界十幾年,由水壺玩到依家,一般嘅手機機板有水氣影響都唔會生銹,就算你將成部機放入水到浸,亦都唔會生銹得咁體無完膚嘅,除非......」

「 除非咩?」我地兩嗰同時問。

潮哥無講落去,好似有啲咩難言之隱。

我嗰心寒一寒,好驚佢會話有鬼嘅話就會咁。而老麥就更心急不停咁催促。

潮哥扮哂神秘,左望右望確實無人喺附近,先至壓低聽線話:「除非......喺血!唯有血先至可以令到金屬加速銹蝕,依家我睇部機嘅生銹程式,真喺有可能喺俾血滲過。」

然後潮哥指一指機殼上邊果條花痕,亦即是我買果陣己經喺到果條:「依條痕齋睇好似唔明顯,其實己經穿咗嗰機殼啦。」

我同老麥兩嗰都「倒抽一口涼氣」。

而潮哥一邊講,一邊將啲鐵屑掃番入部機,然後慢慢咁砌番埋嗰殼。

「我唔理你地做過啲咩,同埋部機點得嚟,總之算喺相識一場,依啲邪嘢拎去化咗佢啦,一了百了。」潮哥露出專業眼神,非常認真咁講。

化?即喺要我燒咗部機?無可能架,點我都做唔出,部手機喺我同嗰女仔嘅唯一溝通方式,我仲未溝到就要我放棄,今次點都唔得。

離開先達之後,我同老麥解釋番之前發生嘅事,唔理佢有幾多成相信,我決定唔再呃佢。

「我都話咁平實有料到,可能喺死人啲陪葬品,亦都有可能殺人兇器。」老麥打咗嗰冷震。

「唔好再嚇我啦。依家整唔番部機都唔知點算。」我嘆咗口氣,對於部機嘅來歷完全唔關心。

「吓?你唔諗住掉咗佢架?阿宅呀......你喺咪己經俾佢迷住咗。諗清楚先,佢......可能己經唔喺人嚟架啦。」老麥面青青真喺好驚我出事。

的確,自從我睇到手機入邊嘅自拍照,我真喺俾佢迷住咗;不過,我相信依種感覺喺發自內心。而且,到依家為止,佢都無害過我,就算佢不停咁打電話比老麥搞到我地嘈架都只喺好小事,我地兩兄弟唔會因為咁就真喺反面。

最後,我都無回答老麥嘅問題,反而叫佢如果再收到由我手機打出嘅電話,要直接打去我屋企話我知。

************************

混混愣愣咁返到屋企,一直就不斷咁胡思亂想。

血?足以浸到成部手機生哂銹要幾多血先夠?我真喺唔知道,更加唔想知。但喺諗到果啲血可能喺嗰女仔流嘅,就有種好心痛嘅感覺。

「相比你依家變咗部壞機,我寧願你仲喺一部夜嫲嫲會嘈醒我,又失驚無神傳啲嚇人訊息過嚟,再唔喺又打十幾嗰電話炸我啲朋友嘅二手手機......我......我好掛住妳......」我對住部黑屏無反應嘅手機,好似嗰傻佬做出一個祈禱嘅姿勢。

祈禱真喺有效咩?我又唔喺教徒,不過神蹟就好似回應緊我嘅心意。

突然眼前一亮,手機嘅屏幕發出閃光,那部己經被潮哥判定死亡嘅手機依家真喺開始從新開啟啦。

畫面先出現生果嘅商標,然後進入了首頁,看到左上角己經搜尋到網絡後,馬上彈出一嗰來自 WhatApps未讀訊息。

我嘅心跳加速,手都有啲震,我清楚明白,只要我再打開依個訊息,我同嗰女仔嘅命運將會連埋一齊。

「對唔住......真係對唔住.....我無心嚇你......對唔住......不過,我求吓你,幫我......依家只有你可以幫到我......求求你。」

「我幫。」

留言

    未有留言

分享