三國江湖

第62章 - 第62章(誰伴我闖蕩)

P.187

        明天劉備送她上機後,就回到辦公室。孫堅和其他社團沒有因他剛上位而作出攻擊,一切出奇的平靜,也許眾人把焦點全聚在洪飛和聯發的決戰。晚上接了一個不尋常電話,因為對方已經死了!是專用的臥底熱線有位男人說:[係咪金仔?]
        劉備:[咩金仔銀仔呀?呢度淨係得美金!]
        對方:[咁你幾時放假?]
        劉備:[幾時?冇晒啲西人客咪放假囉!]剛才講的說話是臥底熱線的暗語,原來劉元起北上前,也了解此行兇險。他臨走前在自己儲物櫃留下一組數字,他們從密碼打開電腦(金仔放假)的檔案,看見(金仔放假)的行動資料。由於高度機密,檔案只存在金仔行動過程,金仔的身份和外貌從沒有曝光。警員會以為金仔只是普通四九仔基本黑幫會員。檔案沒有交侍他的職位,原來他已經當成坐館。要不然,係警員都知道他是臥底,身份容易曝光毫無保障。
        對方:[金仔!我叫黃Sir!你上司劉元起死咗,我而家係你直接上司,由我嚟接管理你,你喺邊?]態度很不友善。
        劉備:[我喺邊?我喺馬路邊囉!你唔好理我喺邊呀!] 
        黃Sir:[你知唔知你做嘢超越咗好多臥底守則呀?]
        劉備:[你話咁就咁呀!全世界話行就行,我都焗住要上㗎!]
        黃Sir:[幾時班坐館再有大買賣?]
        劉備:[買咩賣啫,你審犯呀!你哋都夠晒料啦,遲啲佢哋開會齊人你咪做嘢囉!]
        黃Sir:[我等唔到!我得一個禮拜時間畀你,阿Sir我趕住紮職冇乜時間,趁你未暴露身份前,你設局等我拉晒佢哋。同埋一個月後去大陸搞掂埋唐周條線,唔係我拉埋你!]
        劉備:[拉我?你當我係賊呀?幾多次我差啲冇命呀 ?你呢個所謂上司,淨係諗住踩伙記嘅膊頭上位,左一句右一句話要升職,有冇諗過我呀?]
        黃Sir:[ 你咩身份呀?咁樣同啲大Sir講嘢?唔好再講!我最多畀夠十日時間你,我趕住要見升級試,同啲老細打高爾夫球。你同我乖乖哋做好單嘢,睇撚住咪陀衰我呀!如果再冇料到,我哋逼不得已要放棄你!]
        劉備:[唔使啦!好明顯你已經放棄咗我啦!有本事就拉埋我囉,唔好急最緊要快呀!]
        黃Sir:[你講咩話呀?你自己講㗎咋?]
        劉備:[講咩話?廣東話呀鄉里!我哋嘅母語就係廣東話,唔好問我點解?太無聊嘅問題我係唔答嘅!我哋啲廣東人最熱情,最鍾意問候人老母呀!我屌你老母呀仆街!]
        黃Sir:[乜話?你屌我老母,你知唔知咩叫尊重上司呀柒姑碌,你竟然講粗口鬧啲大Sir,有冇禮貌㗎?]
        劉備:[我講乜撚嘢粗口呀?我屌你老母我邊個字係粗口呀?你老母個[系]你係咪戇撚鳩㗎?我幾撚時有講過粗口呀,邊粒字係粗口呀濕鳩?不過你唯一樣嘢講得啱呢,就係我係柒姑碌,你竟然都當我係柒姑碌囉!我仲使撚理你呀!尊乜撚嘢重上乜撚嘢司呀?你邊撚忽值得我尊重呀?我個人見低就拜見高就踩你吹撚脹呀!你推啲夥記去死,為咗自己升官發財,聽你咁講我掉返轉頭咁對你都得啦,你值得人尊重咩?我真係睇唔到你有咩咁值得尊重喎?我有冇屌撚錯你先?真係忍得你食得屎呀!人生仔你阿媽生仔,生你條仆街仔,你阿媽湊大你,你咁咁撚大個仔,都唔識乜叫良知!使唔使捐返入你阿媽個窿度再出世由頭學過呀?]
        劉備怒極掛線,他本身為人善良,斯文大方官仔骨骨,他說了平生最惡毒的粗話。自己為警隊為正義,刀山去火裏去絕不皺眉,為的不是錢,是使命,甚至乎要貼錢上班,卻換來這種無良上司的對待。小人得志大不幸,上司每一步也只為自己著想,別人死活與他何干? Elaine說得對,君子喻於義,小人喻於利。仗義每多屠狗輩,他的和英堂反而更有情有義得多!真失望!或者真的注定要吃江湖飯。人在海邊就把這個臥底熱線電話拋入海中!他要變節!江湖本來就是不歸路!
        通常一個新任坐館,警方總會有一番盤問,張飛已經嚐過,今次應該到劉備。但他沒有被警察正式邀請協助調查,因為他身份特殊,理由是西九龍反黑組總警司盧植,他親自駕車在劉備出入點等他。盧植是以前當飛虎隊時的總指揮,這幾年看著劉備成長。他要好好了解,他突然辭職,又奇怪當上了坐館的原因。
        劉備出現了,他就站在劉備面前,劉備裝作看不見, 盧植跟他進入一條冷巷,好明顯想找個地方對話。
        盧植:[劉備!]
        劉備:[先生你認錯人喇。]

 

 

 

P.188

        盧植:[夠喇! 我都估到你咩環境,我係嚟幫你㗎, 係我教你出嚟,我睇住你大,你化灰我都認得你,有啲咩喺度講啦,唔通呢度仲唔夠安全呀?]劉備上前擁抱師傅,盧植輕拍安慰。他受的苦實在太多,亦從不可以向人傾訴。
        盧植:[你突然辭職,粒聲唔出即刻走,我都以為你真係唔做。跟住反黑組情報收到風有個人考咩雙花紅棍?我就估到你做緊乜?而家出嚟行一年唔夠做坐館,你做古惑仔仲叻喎!]
        劉備:[師傅咪玩呀!你估我真係唔會驚㗎,人嚟㗎!咬實牙關頂過去,不過我都唔預咗返唔到警隊 。]
        盧植說出黃Sir好像打開了(金仔放假)的檔案。雖然機密文件盧植也不知情,但係已經估到所有情況,向劉備說出。劉備向這尊敬的師傅也道出一切,除了木猜將軍的販毒代理。販毒就推卸落已死的姑爺文,因為真正接頭是他。他雖只是為了破案而做駁腳,也算是真正犯法,代價是終生監禁,因此他說話保留,就算信得過的他也不可例外。
        盧植:[嗱!而家金仔嘅行動,黄Sir去跟,嗰條無良友你咪理佢,我高級過佢。你畀料我聯發個Party嗰日我先!先拉到有份接木猜啲貨嗰班,然後繼續做你嘅坐館,好好睇住下面班細唔好畀佢地犯法搞事,唐周條線你斷咗,我搵情報科再搭過囉,有消息通知你。你依照金仔行動方向走,留低物証,而我就係你人証。我會幫你同一哥解釋,搞掂咗警司都有得你做。]
        劉備:[多謝先! 警唔警司我冇所謂。至於唐周單嘢,我有冇得返嚟都好,我都私人會跟,我都唔想香港咁多人死。我嘅人生安全反而留喺和英堂重穩陣,我大搖大擺走返警隊,放工隨時俾人暗殺。]
        盧植:[咁好可惜囉!嘥咗你啲人才。不過睇住一萬會員唔好犯事,效益仲大啲,返唔返到嚟睇環境啦,保持聯絡。]
        劉備返回和英堂工作,工作上相當順利。由於隨時有唐周的情報,待他熟習當坐館運作後,更要咸旦準備隨時接手。
        到了聯發對張飛的鴻門茶樓事件當晚,冠蓋滿京華。場中人對Kenny當上坐館作出恭賀,看來暫未被揭穿。看到孫堅右邊面上被自己劃上四吋的疤痕,自己也過去慰問他:[Hi!你塊面點呀?]
        孫堅:[你好嘢!旁門左道!幾時再玩過呀?]
        劉備:[早估到你會沒完沒了!應該我個刀斬歪啲收你皮,唔使咁煩!]
        孫堅:[你冧咗我你都幾難走得甩!Elaine呢?]
        劉備:[佢去咗南太極國未返。]
        孫堅:[如果Elaine係我嘅,我乜都可以唔同你計!我唔會放手!]
        劉備:[唔同我計?你對我真係好好啫,我老母都冇你對我咁好呀。咁我咪仲要多謝返你!你條狗公死心不息成日喉住人哋條女,你咪咁啦?你打贏我,佢都唔會鍾意你㗎。都唔知你搞嚟做乜?你冇咁嘅緣份算吧啦 !]說完就自己坐回位中。
        張飛遲遲來到,他串嘴說話咄咄逼人,娛樂性十足。那種氣勢遠勝於柴狼,完美示範什麼叫真正的大佬!這個年代出現很多與眾不同的江湖强人,難道全都由古代時空轉移來?張飛看似危險,其實留了很多後著。最後柴狼被 警察打死,有大批警察上來,眾人例牌辯說只是飲茶,什麼也看不見。虎鯊和聯發高層全被捕,孫堅狠狠盯着自己,他知道是我的傑作。
        過兩天自己門生少傑和他的手下全落網,因為他後期秘密幫其他幫會當白粉拆家,最後判處終生監禁。九龍幫會變天,該死的死,該拉的拉,九龍區只剩下劉備和張飛兩位天王。
        至於木猜將軍後來被美國政府懸賞二百萬美元捉拿這位世界第一毒梟,木猜一年後向緬甸政府軍投降,隨後前往仰光,開始了被軟禁的晚年生涯,十年後在仰光寓所病逝。
        兩星期後盧植給了唐周軍火動向新的線索,唐周此人神出鬼沒。雖然他當大官,但你永不能以官方探訪找到他。自己掩埋的軍火車已被山泥傾瀉掩沒,交易相當困難。一個月內要上大陸行動,偏偏在這時要處理兒女私情的事。

 

 

 

留言

    未有留言

分享